Tehsil-press.az - Siyasət qrupu: Paris terror hadisələrinin ardınca Fransada dövlət səviyyəsində hicaba təzyiq kimi qəddarlıq çılpaqlığı ilə özünü göstərməkdədir. Bu təzyiqlər “Müsəlman qadınların xilası” şüarı altında əslində müsəlmanları və hicabı təhqir edən ziyalı və siyasilər tərəfindən dəstəklənir. Fransanın tanınmış feminist milyarderi Elisabeth Badinter hicab istahsalı ilə məşğul olan firmanın baykotu kampaniyasına başlayıb. Elisabeth Badinter əslində islamafobiya ilə mübarizə cəmiyyətinin üzvüdür. Amma Paris terrorundan sonra müsəlmanlar, xüsusilə hicablı qadınlar ədalətsizcəsinə təqib edilir. Sağçı Fransa Milli Cəbhəsi və sosialistlər arasında Elisabeth Badinterin tərəfdarları tapılıb. Fransa ötənilki terror hadisələrindən sonra fövqəladə vəziyyətdədir. Bu günlərdə müsəlmanlara qarşı artan təzyiq özünü hicaba münasibətdə göstərdi.
Fransanın xarici işlər naziri Loran Fabius: Hicab qadın geyimi üçün rəng seçimi yox, qadınların qul kimi əsarətidir…
Qadın haqlarının müdafiəçisi, senator Laurence Rossignol: Hicab seçən qadınlar var, necə ki quldarlığı seçən qaralar olub…
Hüquq müdafiəçisi Sihame Absaqe Fransada müsəlman qadınların vəziyyəti haqqında deyir: Biz daim hədəfdə olmaqdan yorulmuşuq. Həmişə hadisələrin süjetində yer almaq ağırdır. Hər gün müsəlman qadınlardan danışır və bizə danışmaq imkanı vermirlər…
Beyrut Amerika Universitetinin professoru Rania Masri deyir: Elisabeth Badinter feminist olduğunu iddia edir. Eyni zamanda qadınların seçim haqqına qarşı dayanır…


tehsil-press.az