Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas və Avropa Komissiyasının genişlənmə üzrə komissarı Marta Kos Gürcüstanla bağlı birgə bəyanat yayıblar.

Sənəddə Gürcüstanda qəbul edilmiş “Xarici agentlər” və “Yayımçılar” haqqında qanunlarla bağlı narahatlıq ifadə olunub.

Bəyanat müəlliflərinin fikrincə, bu qanunlar hakimiyyətə siyasi repressiyaların sərtləşdirilməsi üçün əlavə alətlər verəcək.

Sənəddə qeyd edilib ki, bu addımlar Gürcüstanda demokratiyanın təməllərini sarsıdır və Aİ-nin dəyərləri ilə uyğun gəlmir.

Aİ liderləri bildiriblər ki, Gürcüstanın Aİ-yə üzvlük yoluna qayıtması ölkə hakimiyyətinin əlindədir.

“Avropa İttifaqı gürcü xalqının Avropa istəklərini və Gürcüstanın demokratik, sabit və Avropa gələcəyinə yönəlmiş bütün səylərini əvvəlki kimi dəstəkləməyə hazırdır”, - bəyanatda deyilir.

Tehsil-press.az