Rusiya Silahlı Qüvvələrinə məxsus Mi-28N vertolyotu Suriyada qəzaya uğrayıb. Bu barədə Rusiya Müdafiə Nazirliyinin mətbuat xidmətindən məlumat verilib. Məlumata görə, qəza Suriyanın Homs şəhərində, ayın 12-sinə keçən gecə baş verib. Qəza zamanı 2 heyət üzvünün öldüyü bildirilir. Pilotların cəsədi artıq evakuasiya olunub. Cəsədlər Hmeymim aviabazasında saxlanılır. Qəzanın səbəbləri araşdırılır. İlkin məlumatlara əsasən, təyyarəyə heç bir atəş açılmayıb.
tehsil-press.az