Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) 7-14 aprel tarixlərində cəbhəboyu rayonlarda 49 ədəd partlamamış hərbi sursat (PHS) zərərsizləşdirib.

Bu barədə virtualaz.org-a ANAMA-dan məlumat verilib. Aprelin 14-də Agentlik tərəfindən Tərtər, Ağdam, Goranboy və Füzuli rayonlarında aşkar olunan partlamamış hərbi sursatlar haqqında hesabat aşağıdakı kimidir:

Tərtər rayonu
Qapanlı kəndi - 3 ev və həyətyanı sahədə 6 partlayış yerinə baxış keçirilib, partlamamış sursat aşkar edilməyib.
Qaradağlı kəndi - 2 ev, 5 partlayış yeri və 1 əkin sahəsinə baxış keçirilib, PHS aşkar edilməyib.


Goranboy rayonu
Tapqaraqoyunlu kəndi - 2 ev və həyətyanı sahədə 3 partlayış yerinə baxış keçirilib, partlamamış sursat aşkar edilməyib.

Ağdam rayonu
Ballar kəndi - 1 əkin sahəsində 1 partlayış yerinə baxış keçirilib, partlamamış sursat aşkar edilməyib.
Ergi düzü - 1 fermaya baxış keçirilib, 1 ədəd 100 mm-lik top mərmisi aşkar edilərək götürülüb.

Füzuli rayonu
Horadiz şəhəri - şəhər və ətrafında 7 partlayış yerinə baxış keçirilib, 4 ədəd partlamış, 3 ədəd partlamamış hərbi sursat aşkar olunaraq götürülüb.
Aprelin 14-də Agentlik tərəfindən 7 ev, 22 partlayış yeri, 2 əkin sahəsi və 1 fermaya baxış keçirilib, 19 partlamış və 4 partlamamış sursat aşkar edilərək götürülüb.
Ümumilikdə ANAMA tərəfindən 7-14 aprel 2016-cı il tarixlərində Tərtər, Ağcabədi, Ağdam, Füzuli və Goranboy rayonlarında 205 ev və həyətyanı sahəyə, 5 ferma və 3 əkin sahəsinə baxış keçirilib, 49 ədəd PHS aşkar olunaraq zərərsizləşdirilib.
Hazırda Agentlik tərəfindən yaradılmış minaaxtaran itlərin dəstəyi ilə xüsusi təyinatlı mobil çevik qrupları tərəfindən təmas xəttində yerləşən kəndlərdə evlərlə yanaşı, məktəblər və digər obyektlərin yerləşdiyi ərazilərdə də əməliyyatlar davam etdirilir.

tehsil-press.az