Sumqayıt Regional Mədəniyyət İdarəsinin təşəbbüsü ilə əhalinin asudə vaxtının təşkili məqsədilə Sumqayıt bulvarında konsert proqramları davam edir.
Belə ki, Sumqayıt şəhər “Dostluq” mədəniyyət evi bulvarın konsert meydançasında uşaq və yeniyetmə gənclərdən ibarət “Start” estrada kollektivinin konsertini təşkil edib. Konsertdə Azərbaycan və dünya estardasının musiqiləri ifa olunub.
Qeyd edək ki, Vadim Cavadın rəhbərlik etdiyi kollkektiv “Dostluq” mədəniyyət evində fəaliyyət göstərir.
Zəngilan rayon mədəniyyət evi və musiqi məktəblərinin kollektivləri də bulvarın konsert meydançasında maraqlı proqramla çıxış edib. Musiqi kollektivlərinin ifasında səslənən Azərbaycan xalq və bəstəkar mahnıları, aparıcı Elvin Əlizadənin ifasında şeir nümunələri tamaşaçlların zövqünü oxşayıb.

Sumqayıt Regional Mədəniyyət İdarəsinin
Mətbuat xidməti