Azərbaycanda yeni medallar təsis edilir.
Bununla bağlı məsələ Milli Məclisin bu gün keçirilən plenar iclasında müzakirəyə çıxarılıb.
İclasda əvvəlcə "Bakı Dövlət Universitetinin 100 illiyi (1919-2019)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanununa dəyişiklik üçüncü oxunuşda müzakirə edilib.
Daha sonra Azərbaycan Respublikasının "Diaspor fəaliyyətində xidmətə görə" medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının qanununa dəyişiklik edilməsi birinci oxunuşda müzakirəyə çıxarılıb.
Hər iki dəyişiklik səsverməyə qoyularaq qəbul edilib.

Tehsil-press.az