Almaniya hökuməti təhsil müəssisələrinin və idman meydançalarının açılmasına qərar verib.
Bu barədə federal kansler Angela Merkel brifinqdə deyib.
“Biz razılaşdıq ki, yenidən idman meydançalarını, muzey, sərgi zalları, qalereyalar və memoriallar kimi mədəniyyət müəssisələrini, botanika və zoologiya bağlarını müəyyən şərtlər daxilində açaq”, - deyə kansler bildirib.
Adıçəkilən obyektlərin hansı ardıcıllıqla və nə vaxt açılacağı isə mayın 6-da müzakirələrdən sonra bilinəcək.
Qeyd edək ki, Almaniyada məktəblər, universitetlər və digər təhsil müəssisələri koronavirus epidemiyası səbəbindən martın 16-dan bağlıdır.

Tehsil-press.az