Silahlı qarşıdurmalar, zorakılıq və təqiblər nəticəsində evlərini tərk edən qaçqın və məcburi köçkünlərin sayı dünyada ilk dəfə olaraq 100 milyonu ötüb.
Bu barədə Birləşmiş Millətlər Təşkilatının Qaçqınlar üzrə Ali Komissarın İdarəsi bildirib.
Qeyd olunub ki, 2021-ci ilin sonunda Əfqanıstan, Burkina Faso, Konqo Demokratik Respublikası, Myanma, Nigeriya və Efiopiya kimi ölkələrdə yeni zorakılıq dalğaları və ya uzanan münaqişələr səbəbindən dünyada məcburi köçkünlərin sayı 90 milyona çatıb. Bundan əlavə, Ukraynada baş verən hadisələr 2022-ci ildə “8 milyon insanın bu ölkə daxilində köçməsinə səbəb oldu və 6 milyondan çox qaçqın da qeydə alınıb”.

Tehsil-press.az