“Sülh üçün çalışarkən bir anda bizə yüz ilin silləsini vurdular”. “Qafqazinfo” xəbər verir ki, bu sözləri Fələstin prezidenti Mahmud Abbas İstanbulda zirvə görüşündə çıxışı zamanı deyib:
“Trampın bu qərarı beynəlxalq hüquqa və sazişlərə ziddir. ABŞ tərəfindən tək yönlü alınan bu qərar keçərli deyil. Qüds həm müsəlmanların, həm də xristianların yaşayış məkanı olaraq qalacaq.
Dünyada din savaşında kim fayda görəcək? Dünyada terror təşkilatlarını ortaya çıxaran kimdir ? Bu sualları buradan vermək istəyirəm.
Tramp Qüdsü İsrailə hədiyyə etmək istəyir. Sanki ABŞ əyalətlərindən birini hədiyyə edir.
Dünya ölkələrinin böyük əksəriyyəti, Kanada, İngiltərə və Avstraliya da bu dəfə ABŞ-ın yanında yer almadı.
ABŞ bütün insanlığın və müsəlmanların vicdanını yaralayacaq qərar alıb. Qüds keçmişdə də, bu gün də və gələcəkdə də Fələstinin paytaxtı olacaq. Buradan İsrailə meydan oxuyuram”.]

Tehsil-press.az