Fevralın 26-da Azərbaycanda Xocalı soyqırımının 26-cı ildönümü qeyd olunacaq.
Artıq bu gündən insanlar Bakıda “Ana harayı” abidəsinin qarşısına gələrək Xocalı soyqırımının qurbanlarının xatirəsini yad edirlər.
Anım tədbiri ilə əlaqədar “Ana harayı” abidəsinin yerləşdiyi parkda hazırlıq işləri görülüb.
Abidənin ətrafında quraşdırılmış lövhələrdə Xocalı soyqırımını əks etdirən fotolar yerləşdirilib.
Xatırladaq ki, 1992-ci il fevralın 26-da Ermənistan hərbi birləşmələri 7 min əhalisi olan Xocalı şəhərində soyqırımı aktı həyata keçirib. Xocalı soyqırımı zamanı 613 nəfər öldürülüb, 1000 nəfər müxtəlif yaşlı dinc sakin aldığı güllə yarasından əlil olub. 106 qadın, 63 azyaşlı uşaq, 70 qoca qətlə yetirilib. 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib. Faciə baş verən gecə 1.275 dinc sakin əsir götürülüb, onlardan 150-nin taleyi indi də məlum deyil.

Kəmalə Rəhimli