Dövlət İmtahan Mərkəzinin (DİM) müxtəlif nəşrlərinin məcburi köçkün və cəbhə xəttində yerləşən kənd məktəblərinin kitabxanalarına hədiyyə olunması davam edir.
Mərkəzin Bərdə regional bölməsi tərəfindən Ağdam, Kəlbəcər, Laçın, Füzuli, Tərtər, Şuşa, Xocavənd rayonlarından olan məcburi köçkün məktəblərinin, həmçinin Ağdam, Füzuli, Tərtər rayonlarının cəbhə xəttində yerləşən kənd məktəblərinin kitabxanalarına “Abituriyent “ jurnalı redaksiyasının nəşr etdirdiyi yeni təhsil proqramları (kurikulumlar) üzrə qiymətləndirmə tapşırıqları, test topluları, eləcə də “Abituriyent” jurnalının xüsusi buraxılışları hədiyyə edilib .
Qeyd olunan şəhər və rayonlarında yerləşən 50 ümumtəhsil müəssisəsinə ümumilikdə 30 adda 1600 ədəd kitab və 250 ədəd “Abituriyent” jurnalı hədiyyə olunub.
Bu vəsaitlərdən şagirdlər, qəbul imtahanına hazırlaşan abituriyentlər, eləcə də müəllimlər faydalana bilərlər.

DİM-nin Mətbuat Xidməti