ABŞ Prezidenti Donald Tramp koronavirusun yayılma səbəbi barədə növbəti açıqlama verib.
Ağ Ev rəhbəri çıxışı zamanı pandemiyanın Çinin səriştəsizliyi ucbatından başladığını deyib.
“Nəsə oldu. Ya onlar dəhşətli bir səhv etdilər... Yəqin ki səriştəsizlikdən. Ya da kimsə axmaqlıq etdi. Onlar işi lazım olduğu kimi görmədilər. Çox təəssüf”, -deyə Tramp bildirib.
Xatırladaq ki, daha əvvəl Tramp və Dövlət katibi Mayk Pompeo Çinin Uhan şəhərindən başlayan koronavirus pandemiyasının laboratoriyalardan birindən yayıldığını iddia edirdilər. Çin tərəfi isə bu ittihamla razılaşmırdı.

Tehsil-press.az