İranın bir çox şəhərləri güclü qərb küləklərinin gətirdiyi deyilən toz qatlarının yaratdığı hava çirkliliyi ilə mübarizə aparır. Bəzi şəhərlərdə çirklənmə səviyyəsi dünənlə müqayisədə azalsa da, bəzilərində təhlükəli həddə çatıb.
Havanın çirklənməsi səbəbindən bir çox şəhərlərdə məktəblər, dövlət qurumları bağlanıb və rəsmi orqanlar tərəfindən banklar üçün minimum işçi heyəti ilə xidmət göstərilməsi qərara alınıb.
Əhvaz Tibb Elmləri Universitetinin İctimaiyyətlə Əlaqələr sözçüsü İrfan Mərdani Xuzistan əyalətində havada tozun artması səbəbindən son 48 saatda 1496 nəfərin tənəffüs şikayətləri ilə xəstəxanalara müraciət etdiyini bildirib.
Mərdani 1406 nəfərin ambulator müalicə aldığını, onlardan 34-nün normal xəstəxanalara, 56-nın isə xüsusi şöbələrə yerləşdirildiyini bildirib.
“Belə olan halda insanlar, xüsusən də ürək və tənəffüs yolları xəstələri, yaşlılar həkimlərin tövsiyələrinə tam əməl etməli, evdə mümkün qədər çox qalmalıdırlar", - o xəbərdarlıq edib.

Tehsil-press.az