Ukrayna prezidenti Vladimir Zelenski bildirib ki, Rusiya onu 2023-cü ilin sonuna qədər prezidentlikdən uzaqlaşdırmaq niyyətindədir. O, bu barədə The Sun tabloidinə müsahibəsində danışıb.
Ukrayna prezidenti onu da bildirib ki, o, neçə sui-qəsd cəhdindən sağ çıxa bildiyini dəqiq bilmir.
Zelenski iddia edir ki, Rusiya onu hakimiyyətdən uzaqlaşdırmaq üçün Ukraynada vəziyyəti sabitliyi pozmağa yönəlmiş “Maydan-3” kod adlı plan hazırlayıb.
"Son məlumat: onlar həqiqətən prezidentin (Ukraynanın) dəyişdirilməsini istəyirlər. Prezidentin (Ukraynanın ) dəyişdirilməsi üçün Putinin "Maydan-3" planı var - ola bilsin ki, bu qətllə deyil, hakimiyyət dəyişikliyi ilə həyata keçirilsin. Rusların məqsədi bu ilin sonuna qədər mənə qarşı yeni bir əməliyyat keçirməkdir”, - deyə Zelenski qeyd edib.
O, həmçinin bildirib ki, genişmiqyaslı işğal başlayandan bəri rusların onu öldürmək cəhdlərinin sayını itirib.
Zelenski, jurnalistin Ukraynanın işğal olunmuş ərazilərdə rusiyayönlü şəxslərin onun həyatına cəhd edib-etməməsi ilə bağlı sualına cavab verməyib: "Mən sizinlə Ukrayna kəşfiyyatının, xüsusi xidmət orqanlarının və ya xüsusi təyinatlıların hər hansı xüsusi əməliyyatını müzakirə edə bilmərəm. Bəzi məqamlar var ki, biz onları müzakirə etmirik"..
Fürsət yaranarsa, Ukraynanın Putini öldürmək şansından istifadə edib-etməyəcəyi sualına Zelenski belə cavab verib: “Bu, müharibədir və Ukraynanın öz torpaqlarını müdafiə etmək hüququ var”.

Tehsil-press.az