Qazaxıstanda sabiq daxili işlər naziri Erlan Turqumbayev saxlanılıb.

Bu barədə “Kazinform” agentliyi mənbələrə istinadən məlumat yayıb.

Qazaxıstanın Daxili İşlər Nazirliyinin sabiq rəhbəri 2022-ci ilin yanvarında baş vermiş faciəvi hadisələrlə bağlı vəzifə səlahiyyətlərindən sui-istifadə maddəsi ilə ona qarşı açılmış cinayət işi çərçivəsində saxlanılıb.

Agentlik qeyd edib ki, martın 20-də o, artıq prokurorluqda dindirilib. Erlan Turqumbayev 2019-cu ildən Daxili İşlər Nazirliyinə rəhbərlik edib və 2022-ci ilin fevralında yanvar hadisələrindən sonra tutduğu vəzifədən azad edilib. Daha sonra o, altı aya yaxın Qazaxıstan prezidentinin müşaviri olub.

Tehsil-press.az