İyulun sonunda Rusiyada dolların məzənnəsi 100-110 rubla (2 manat 15 qəpik) çata bilər.

Bu barədə Rusiya mətbuatı ekspertlərə istinadən məlumat yayıb.

Ekspertlərin fikrincə, buna sanksiyaların tətbiqi, dövlət xərclərinin artması, kapital axını və əmtəə ixracının azalması səbəb olacaq ki, neftin qiymətinin düşməsi də ixrac gəlirlərinin azalmasına səbəb ola bilər.

Bununla belə, rublun məzənnəsinin zəifləməsinə mane ola biləcək bəzi amillər var, məsələn, idxalın ödənişində çətinliklər və Mərkəzi Bankın əsas faiz dərəcəsinin 17-18 faizə yüksəlməsi gözlənilir.

İqtisadçı Nikolay Pereslavski belə qənaətə gəlib ki, iyulun sonuna doğru dollar 95-100 rubl, avro isə 101-106 rubl səviyyəsinə çata bilər.

Banklarda tələbin artması səbəbindən dolların məzənnəsi 110 rubla qədər bahalaşa bilər.

Tehsil-press.az