240 min dollar dəyərində olan gizli zirehli Cadillac Escalade modeli nümayiş etdirilib.

Bu avtomobil zahirən adi lüks SUV təsiri bağışlasa da, əslində yüksək səviyyəli müdafiə texnologiyaları ilə təchiz olunub.

Məlumata görə, avtomobilin konstruksiyası B6 səviyyəli zirehlə gücləndirilib. Bu isə onun iri çaplı silahlardan açılan atəşə qarşı belə davamlı olduğunu göstərir. Avtomobildə gülləkeçirməz şüşələr, Kevlar və xüsusi polad qatlarla möhkəmləndirilmiş kuzov, eləcə də partlayış təsirlərinə qarşı qoruma sistemi mövcuddur.

Modelin əsas xüsusiyyəti onun “gizli zireh” konsepsiyası ilə hazırlanmasıdır. Belə ki, bütün qoruyucu elementlər avtomobilin daxilində yerləşdirildiyi üçün xarici görünüşdə heç bir fərq hiss olunmur. Bu isə avtomobili həm təhlükəsiz, həm də diqqət çəkməyən edir.

Qeyd olunur ki, bu tip nəqliyyat vasitələri əsasən yüksək vəzifəli şəxslər, biznesmenlər və xüsusi qoruma tələb edən şəxslər üçün nəzərdə tutulur. Bununla yanaşı, avtomobil yüksək komfort səviyyəsi, səs izolyasiyası və mobil ofis imkanları ilə də seçilir.

Tehsil-press.az