Mingəçevirdə 12-yə yaxın ailə yataqxanası var. Bu gün bir otaqda bəzən iki ailə yaşayır. 12 kvadratmetr yerdə 5-6 nəfər yaşamağa məcburdur. Təklif edirəm ki, bu yataqxanalar tədricən sökülsün və onun yerində sosial evlər tikilsin, orada yaşayan minlərlə ailənin köçürülməsi məsələsinə baxılsın.

Bunu Milli Məclisdə 2025-ci ilin dövlət büdcəsinin müzakirəsi zamanı deputat Aydın Mirzəzadə deyib.

O bildirib ki, ilkin mərhələdə buna 100 milyon vəsait ayırmaq olar:

"Sosial evlər ipoteka ilə tikilib verilərsə, cəmi bir ildən sonra 5 milyonu geri qayıdacaq. Doğrudur, birdən-birə həll olunası məsələ deyil. Amma bu, Mingəçevir üçün aktual məsələdir. Hökumətdən bu məsələyə dair xüsusi proqram qəbul edilməsini xahiş edirəm".

Tehsil-press.az