"Bu günü bizə bəxş edən şəhidlərimizə Allahdan rəhmət, qazilərimizə cansağlığı diləyir, Ali Baş Komandana təşəkkür edirik ki, bizim xalqımız qalib xalq oldu".

Bunu açıqlamasında Əməkdar artist, xanəndə Cabir Abdullayev 32 ildən sonra Bakı-Ağdam sərnişin qatarının fəaliyyətinin bərpa edilməsi ilə bağlı təşkil edilən səfər çərçivəsində deyib.

"Uşaq vaxtı bu qatarda çox gedib-gəlmişəm. Xatirələrim çoxdur. Amma bu gün daha çox sevinirəm. Ona görə ki, Bakı-Ağdam sərnişinin qatarının fəaliyyəti bərpa olundu və bu, çox böyük xoşbəxtlikdir. Bu səfərdə dostlarımı, cəbhə yoldaşımı və işğaldan əvvəl 18 yaşında Ağdamda kassada işləyən, bizə qatara bilet satan adaşımı gördüm. 32 il sonra onlarla birlikdə qatarla yenidən Ağdama gedirəm. Allah bir də bizə belə dərd verməsin", - deyə xanəndə əlavə edib.

Tehsil-press.az