Dövlət Neft Şirkətinin (SOCAR) prezidenti Rövnəq Abdullayevin cəbhədə baş verən son hadisələrdə şəhid olan pilotların ailələrinə ev bağışladığı barədə məlumatlar yayılıb. SOCAR-ın mətbuat xidməti isə yayılan məlumatı təkzib edib.

Cəbhədə gedən ağır döyüşlərdə qəhrəmancasına şəhid olan pilotlardan biri, mayor Urfan Vəlizadənin qardaşı Vidadi Vəlizadə isə faktı təsdiq edib.
“Bəli, bizə ev verilib… Amma indi evlə maraqlanacaq durumda deyilik”. Lakin o, evin kim tərəfindən verildiyi barədə bir söz deməyib.
Aprelin 2-ə keçən gecə və gün ərzində gedən döyüşlərdə erməni mövqelərinə aviasiya zərbələri zamanı düşmən tərəfindən vurulan Mi-24 helikopterində mayorlar Urfan Vəlizadə və Təbriz Mustafazadə, baş leytenant Bəkir İsmayılov qəhrəmancasına şəhid olublar.

tehsil-press.az