Sumqayıt, Gəncə və Abşeronda 1-ci sinfə gedəcək şagirdlərin sayı açıqlanıb

Sumqayıt, Gəncə və Abşeronda 1-ci sinfə gedəcək şagirdlərin sayı açıqlanıb Bu il Sumqayıt, Gəncə şəhərləri və Abşeron rayonunda təqribən 16-17 min şagird 1-ci sinfə gedəcək.
Bunu Təhsil Nazirliyinin sektor müdiri Cəsarət Valehov deyib.
O bildirib ki, həmin şagirdlərin 60 faizi, yəni 8 min nəfərdən çoxu məktəbəhazırlıq qruplarında təhsil aldıqları üçün onlar 1-ci sinfə birbaşa qəbul olunacaqlar.
C.Valehov əlavə edib ki, ötən il ölkə üzrə 5 yaşı tamam olan uşaqların 55 faizi təhsil alıb. Bu il isə bu göstərici 65 faiz olub.
Qeyd edək ki, bu ildən Sumqayıt, Gəncə şəhərləri və Abşeron rayonunda da 1-ci sinfə qəbul elektron qaydada aparılacaq.

Təhsil-press.az

Oxşar xəbərlər