Yeni dərs ilinin ilk günlərindən paytaxt məktəblərində valideynlərlə görüşlər keçirilir.
“Məktəblinin dostu” layihəsi çərçivəsində təşkil olunan görüşlərin əsas məqsədi məktəb-valideyn əlaqələrini möhkəmləndirmək, layihə, layihənin fəaliyyət göstərdiyi müddətdə həyata keçirilən tədbirlər, görülən işlər barədə valideynlərə ətraflı məlumat verməkdir.
Qeyd edək ki, “Məktəblinin dostu” pilot layihəsi Təhsil Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə tərəfdaşlığı ilə Bakı şəhərindəki 32 ümumtəhsil müəssisəsini əhatə edir. Layihənin əsas məqsədi məktəblərdə səmərəli mühitin formalaşması işinə töhfə vermək, tədris ocaqlarında tam təhlükəsiz mühit yaratmaq, fövqəladə hal baş verdikdə ilk tibbi və psixoloji yardım göstərmək, mütəmadi olaraq şagird, valideyn, təlim-tərbiyə müəssisələrinin kollektivi ilə maarifləndirmə, diaqnostik işlər aparmaqdır.

Tehsil-press.az