Tunis hakimiyyəti koronavirus səbəbindən ölkədə karantin rejimini iki həftə uzadıb. Bu barədə “RİA Novosti”yə ölkə Prezidenti Administrasiyasının mətbuat xidmətindən məlumat verilib.
“Tunis Milli Təhlükəsizlik Şurası çərşənbə axşamı günü keçirdiyi iclasda karantin rejimini iki həftə uzatmaq qərarına gəlib”, - məlumatda deyilir. Martın 22-də tətbiq edilən karantin aprelin 5-də başa çatır, beləliklə, hakimiyyət sözügedən tədbirləri aprelin 19-dək uzadıb.
Tunisdə karantin qaydalarının əməl edilməsinə ordu nəzarət edir, helikopterlər cəlb olunub.
Qeyd edək ki, indiyədək Tunisdə 362 nəfər koronavirusa yoluxub, 10 pasiyent dünyasını dəyişib.

Tehsil-press.az