Panama koronavirus infeksiyasının yeni formasının yayılması ilə əlaqədar Böyük Britaniya və Cənubi Afrika Respublikasından (CAR) səyahətçilərin giriş icazəsini dayandırıb.
Bu barədə Mərkəzi Amerika respublikasının Səhiyyə Nazirliyindən bildirilib.
“COVID-19-un yeni ştamına dair informasiyalarla əlaqədar son 20 gün ərzində Böyük Britaniya və Cənubi Afrika Respublikasında daimi əsaslarla olanların və ya tranzitlə keçənlərin bu gündən ölkəyə gəlişinin müvəqqəti olaraq dayandırılmasına qərar verilib”, - nazirliyin saytındakı məlumatda deyilir.
Daha əvvəl Türkiyə eyni səbəbdən Britaniya və CAR-la hava əlaqəsini kəsmişdi.

Tehsil-press.az