Futbol üzrə Avropa çempionatı davam edir.
Sonuncu gündə E qrupunda da bütün suallara aydınlıq gəlib.
İsveç Polşanı, İspaniya Slovakiyanı məğlub etməklə 1/8 finala adlayıb.
İsveçlilər 7 xal toplamaqla buna qrup lideri kimi nail olublar. İspaniya isə 5 xalla qrup ikincisi olub. Slovakiya 3 xalla üçüncü, cəmi bir xalı olan Polşa isə qrup sonuncusu olaraq qalıb.
Qeyd edək ki, F qrupunda Portuqaliya Fransayla, Almaniya isə Macarıstanla münasibətlərinə aydınlıq gətirəcək.
AÇ-2020
23 iyun
E qrupu
Slovakiya – İspaniya 0:5
Qol: M.Dubravka, 30-öz qapısına. A.Laporte, 45+3. P.Sarabiya, 56. F.Torres, 67. Y.Kuçka, 71-öz qapısına.
Matçın 12-ci dəqiqəsində A.Morata penaltidən yararlana bilməyib (qapıçı).
Baş hakim: Byörn Kuypers (Niderland).
Sevilya. “La Kartuxa” stadionu.
İsveç – Polşa 3:2
Qol: E.Forsberq, 2; 59. V.Klaesson, 90+4 – R.Levandovski, 61; 84.
Baş hakim: Maykl Oliver (İngiltərə).
Sankt-Peterburq. Yeni Zenit stadionu.

Tehsil-press.az