ABŞ-ın keçmiş prezidenti Cimmi Karter bu dəfə Qremmi mükafatına namizəd olan ən yaşlı şəxs kimi yenidən tarix yazdı.

Tehsil-press.az lent.az-a istinadən bildirir ki, oktyabrın 1-də ABŞ-ın 39-cu prezidentinin 100 yaşı tamam olub. Karter beyin xərçəngi, qaraciyər xərçəngi və beyin əməliyyatından sağ çıxdıqdan sonra təxminən iki ildir ki, hospisdə müalicə alır.

1981-ci ildə Ağ Evi tərk etdikdən sonra keçmiş prezident və mərhum həyat yoldaşı Habitat for Humanity ilə birlikdə Cimmi və Rozalin Karter layihəsini qurublar. Cütlük və onların fondu minlərlə insana 14 ölkədə təhlükəsiz, sərfəli mənzillərə köçməyə kömək edib.

Onun albomu Karterin onilliklər ərzində məşhur müəllimi olduğu Corciya ştatının Pleyns şəhərindəki “Maranafa” baptist kilsəsindəki son bazar günü məktəb dərslərinin toplusudur.

Mövzular bunlardır: “İnam tapmaq”, “Mənalı dua”, “Yaşamaq azadlığı” və s.

Dərslərin hər birini məşhur musiqiçi, o cümlədən Con Batista, Keba Mo, Lienn Rayms və Darius Raker müşayiət edir. Nəticə onun ən yaxşı audiokitab, hekayə yazısı üçün 10-cu nominasiyası olub.

“Nə şərəfdir!” – Karter Fondu bu xəbərə cavab olaraq X-də (keçmiş Twitter) yazıb.

Tehsil-press.az