Gənclər Fondunun dəstəyi və Azərbaycan Respublikası Gənclər Təşkilatları Milli Şurasının (NAYORA) təşkilatçılığı ilə şanlı Zəfərimizin 5 illiyi ilə əlaqədar keçirilən “Süni intellektin gözündə Zəfərimiz” mövzusunda fotomüsabiqə başa çatıb.

Müsabiqənin məqsədi 44 günlük Vətən müharibəsində əldə olunan şanlı Zəfəri sənət vasitəsilə ifadə etmək, tarixi həqiqətləri innovativ yolla yeni nəsillərə ötürmək və vizual sənətin gücü ilə beynəlxalq ictimaiyyətə çatdırmaqdır.

Münsiflər heyətinin qərarına əsasən, Bakı Dövlət Universitetinin (BDU) Mexanika-riyaziyyat fakültəsinin II kurs tələbəsi Aysu Qasımovanın işi müsabiqədə I yerə layiq görülüb.

Tehsil-press.az