Ölkəmizə gələn Venesuela İncəsənət Universitetinin professoru, teatr rejissoru, aktyor Kosta Palamides və kinoaktyor Ludvinq Pineda ilə Azərbaycan Dillər Universitetinin (ADU) ispan dili ixtisası üzrə təhsil alan tələbələri arasında görüş keçirilib.
Görüşdə Latın Amerikası yazıçıları haqqında fikir mübadiləsi aparılıb və onların əsərlərindən parçalar səsləndirilib.
Universitetin İspan dili mərkəzinin təşkilatçılığı ilə keçirilən tədbirdə Avropa İttifaqının Azərbaycan nümayəndəliyinin rəhbərinin birinci müşaviri Denis Daniilidis və Venesuelanın ölkəmizdəki səfiri Kristofer Alberto Martinez Berroteranda iştirak ediblər.

ADU-nun Mətbuat Xidməti