Bakı Tikiş Evinin şöbə müdiri: Bu il də məktəbli formalarının qiymətlərində heç bir dəyişiklik edilməyib

Bakı Tikiş Evinin şöbə müdiri: Bu il də məktəbli formalarının qiymətlərində heç bir dəyişiklik edilməyib 2017-ci ildən məktəbli formasının satış qiymətlərində heç bir dəyişiklik edilmir. Bu il də məktəbli formalarının qiymətlərində dəyişiklik edilməsi nəzərdə tutulmayıb.
Bu barədə Bakı Tikiş Evinin (BTE) satış şöbəsinin müdiri Etibar Əzimov məlumat verib. O bildirib ki, aşağı siniflər üçün kostyumun qiyməti 40 manat, VII-XI sinif şagirdləri üçün isə kostyumun qiyməti 46 manatdır. Bu dəstə pencək, şalvar və yaxud pencək, ətək daxildir. Köynəklərin qiyməti 26–dan 54 ölçüyədək 8 manatdır.
“BTE bu il də şagirdləri məktəbli forması ilə təmin etmək üçün hazırdır. Əhalinin rahat alış-verişini təmin etmək üçün metronun “Koroğlu”, “20 Yanvar” və “Həzi Aslanov” stansiyalarının çıxışındakı “Bravo” supermarketlərində BTE-nin satış mərkəzləri fəaliyyət göstərir. Valideynlər, eyni zamanda, BTE-də və Bakıxanov qəsəbəsində fəaliyyət göstərən “Məktəbli dünyası” mağazalarından məktəbli formalarını əldə edə bilərlər”, - deyə E.Əzimov qeyd edib.

Tehsil-press.az


Oxşar xəbərlər