Heydər Əliyev adına Hərbi İnstitutda qardaş Türkiyənin 30 avqust - Zəfər Bayramının 100-cü ildönümü münasibətilə tədbir keçirilib.
Əvvəlcə ulu öndərlər Heydər Əliyev və Mustafa Kamal Atatürkün xatirələri bir dəqiqəlik sükutla yad edilib, hər iki ölkənin dövlət himnləri səsləndirilib. Sonra Türkiyənin İstiqlal savaşından bəhs edən videoçarx nümayiş etdirilib.
Tədbirdə çıxış edənlər Azərbaycan-Türkiyə qardaşlıq və dostluq münasibətlərinin tarixindən, avqust ayının 30-nun Türkiyədə ən önəmli günlərindən biri olduğundan, ölkələrimizdə davamlı olaraq bu cür əhəmiyyətli tədbirlərin keçirilməsinin vacibliyindən danışıblar.
Ölkələrimiz arasında münasibətlərin bugünkü dostluq, qardaşlıq və strateji müttəfiqlik səviyyəsinə çatdırılmasında dövlət başçılarının müstəsna rolunun olduğu xüsusi vurğulanıb.
Sonda vətənpərvərlik mövzusunda mahnılar ifa olunub və şeirlər səsləndirilib.



Tehsil-press.az