Bu ilin III rübündə “Universitetlərin elmi-pedaqoji heyət üzvləri və təhsilalanlarının IELTS imtahanına təşviq edilməsi” layihəsi çərçivəsində imtahanda 6.5 və daha artıq bal toplamış 204 iştirakçının xərcləri Təhsilin İnkişafı Fondu tərəfindən qarşılanıb.

Layihə Təhsilin İnkişafı Fondu və Təhsildə Keyfiyyət Təminatı Agentliyinin birgə təşəbbüsü ilə həyata keçirilir.

Layihədə uğur qazanan və 14 universiteti təmsil edən 204 iştirakçıdan 28-i BDU-nun tələbəsidir (26 bakalavr, 2 magistr).

“Universitetlərin elmi-pedaqoji heyət üzvləri və təhsilalanlarının IELTS imtahanına təşviq edilməsi” layihəsi 2022-ci ildən etibarən icra olunur.

İndiyədək müqavilə şərtlərinə cavab verən 511 nəfərin bu imtahan üzrə ödənişləri Fond tərəfindən geri qaytarılıb. Onlardan 319 nəfəri BDU-nun tələbəsi və elmi-pedaqoji heyət üzvü olub.

Qeyd edək ki, “IELTS imtahanına təşviq” layihəsinin məqsədi məhz ali təhsil ocaqlarının müəllim və tələbələrinin ingilis dilini mənimsəməsi üçün əlverişli şəraitin yaradılmasıdır.

Tehsil-press.az