Azərbaycan Dövlət İqtisad Universitetinin (UNEC) Tələbə Elmi Cəmiyyətinin və “İqtisadçı Tələbələrin Elmi Fəaliyyətinə Yardım” İctimai Birliyinin təşkilatçılığı ilə tələbələrin Türkiyənin görkəmli iqtisadçısı, bir sıra iqtisadi kitabların müəllifi Mahfi Eğilmez ilə görüşü keçirilib.
Görüşdə İctimai Birliyin sədri Aslan Əzimzadə Mahfi Eğilmezin önəmli və tövsiyə olunan kitabları barədə məlumat verib.
Daha sonra Mahfi Eğilmez son illərdə dünya iqtisadiyyatında baş verən iqtisadi proseslərdən danışıb.
Təqdimatdan sonra görüş tələbələrin Türkiyə iqtisadiyyatının müasir vəziyyəti, qlobal iqtisadi böhranlar, dünya iqtisadiyyatındakı inflyasiyanın strukturu və gələcək illərin iqtisadi durumu istiqamətində müxtəlif sualları ilə davam edib.

Tehsil-press.az