Husilər kimyəvi tankeri qanadlı raketlə vurubƏnsar Allah hərəkatının husilərin nəzarətində olan Yəməndən atılan raket Norveçin Strinda tankerinə düşüb. ABŞ Müdafiə Nazirliyinin sözçüsü Reuters agentliyinə bildirib ki, gəmi zədələnib və onun üzərində yanğın başlayıb, lakin itki yoxdur. Onun sözlərinə görə, Amerikanın “USS Mason” esminesi qəzaya uğramış tankerə kömək etmək üçün gəlib.
Hadisə dünən Qırmızı dənizi Hind Okeanı ilə birləşdirən Bab əl-Məndeb boğazından 60 dəniz mili (111 km) şimalında baş verib.
“Strinda” ticarət gəmisi Süveyş kanalına doğru gedirdi, Associated Press özəl kəşfiyyat şirkətlərinə istinadən xəbər verir. Agentliyin məlumatına görə, gəmi neft və kimyəvi maddələr daşıyıb.
Reuters-in ABŞ Müdafiə Nazirliyinin nümayəndələrinə istinadən verdiyi məlumata görə, Husilərin raket zərbəsi gəmidə yanğına səbəb olub. Mənbələrin məlumatına görə, gəmi qurudan qanadlı raketlə vurulub.
Husilər Norveçin "Strinda" gəmisinə raket hücumu təşkil etdiklərini təsdiqləyiblər. Bu barədə hərəkatın nümayəndəsi Yəhya Saria bildirib. O, iddia edir ki, gəmi İsrailə neft yükü aparırmış.
Husilərin sözlərinə görə, son iki gün ərzində onlar “Yəmən Hərbi Dəniz Qüvvələrinin xəbərdarlığına cavab verən bir sıra gəmilərin keçidinə mane olublar”. Yəmən hərəkatı Norveç gəmisinin “ekipajı bütün xəbərdarlıqları rədd etdikdən” sonra hücuma məruz qaldığını açıqlayıb.
Tehsil-press.az
