Bakı Dövlət Universitetinin (BDU) nəzdində İqtisadiyyat və Humanitar Kollecdə 2023-2024-cü tədris ilinin qış imtahan sessiyası keçirilir. İmtahanlarda Azərbaycan bölməsi üzrə 1042, rus bölməsi üzrə 297 tələbə iştirak edir.
İmtahanlar iki növbədə (humanitar ixtisaslar üzrə yazılı imtahanlar saat 10.00-dan 13.00-dək, iqtisadiyyat ixtisasları üzrə imtahanlar saat 14.00-dan 17.00-dək) aparılır. Qış imtahan sessiyası zamanı üzrlü və üzrsüz səbəblərdən imtahanda iştirak etməyən təhsilalanlara həmin fənlərdən imtahan vermək üçün şərait yaradılacaq.
Sessiyanın gedişinə operativ nəzarət, tələbələrin biliyinin qiymətləndirilməsində şəffaflığı təmin etmək məqsədilə İmtahan Qərargahı və Apellyasiya Komissiyası yaradılıb. Komissiya sessiya müddətində imtahanların gedişi ilə əlaqədar ərizə, təklif, Elm və Təhsil Nazirliyinin “Qaynar xətt”i vasitəsilə daxil olmuş şikayətlərin araşdırılmasını təmin edəcək.

Tehsil-press.az