“SimilarWeb” tədqiqat mərkəzinin əməkdaşları internet istifadəçiləri arasında sosial şəbəkələrin populyarlığı ilə bağlı araşdırma aparıb.

Məlum olub ki, son zamanlar “Facebook”, “Instagram” və “Twitter” kimi sosial şəbəkələrin populyarlıqları azalıb, onların əvəzinə isə messencerlər gəlib.
Araşdırmalar zamanı sosioloqlar Braziliya, Hindistan, Cənubi Afrika Respublikası, ABŞ və Avropadan olan 100 min nəfər internet istifadəçisi arasında sorğu aparıblar. Bütün bu ölkələr və qitələrdə “Twitter”in istifadəçiləri arasında 23,4 faiz, “Facebook” sosial şəbəkəsinin 8 faizdən çox, “Instagram”ın populyarlığında isə 23,7 faiz azalması müşahidə olunur.
Bundan başqa, araşdırma zamanı müəyyən olub ki, hər bir “Facebook” istifadəçisi gündəlik olaraq saytda 34 dəqiqə, “Instagram” istifadəçisi bundan iki dəfə az – 17 dəqiqə keçirir. Həmçinin məlum olub ki, İspaniyada istifadəçilər daha çox – gündəlik olaraq 23 dəqiqə “Instagram”da otururlar. Braziliyada isə bu rəqəm 12,5 dəqiqə təşkil edir.
“SimilarWeb” tədqiqat mərkəzində hesab edirlər ki, sosial şəbəkələrin əvəzinə daha populyar “WhatsApp”, “Facebook Messenger”, “Line”, “Viber” və “WeChat” kimi messencerlər gəlib. Hazırda onların ümumi auditoriyası 3 milyard akkaunt təşkil edir.

Tehsil-press.az