Gürcüstanın sabiq prezidenti Mixail Saakaşvili keçmiş baş nazir İrakli Qaribaşviliyə özünə nisbətən daha yüngül cəza verilməsindən narazılığını açıq şəkildə ifadə edib.

Saakaşvili bildirib ki, onu 3 milyon dollar məbləğində vəsaitin mənimsənilməsində deyil, rəsmi səfərlərlə bağlı xərclərin “israfı”nda ittiham ediblər və bu iş üzrə 9 il azadlıqdan məhrum ediblər. Sabiq prezidentin sözlərinə görə, Qaribaşvilinin evindən 6 milyon dollar aşkar edildiyi halda, məhkəmə ona cəmi 5 il həbs cəzası çıxarıb. Saakaşvili hesab edir ki, Qaribaşvili uzun müddət həbsdə qalmayacaq və yaxın zamanda azadlığa buraxılacaq.

Qeyd olunur ki, Qaribaşvili cəzasını Saakaşvilinin də saxlanıldığı Rustavi həbsxanası №12də çəkəcək.

Xatırladaq ki, daha əvvəl Qaribaşvilinin vəkili ittihamların hüquqi formulunun dəyişdirildiyini açıqlayıb. Müdafiə tərəfinin bildirdiyinə görə, cinayət dövlət qulluğu ilə bağlı deyil və exs-baş nazir yalnız biznes fəaliyyətindən əldə etdiyi gəlirləri gizlədib.

Tehsil-press.az