Papanın səfəri oktyabr ayının 2-də başlayacaq.

Vatikan Roma Papası Fransiskin Gürcüstana və Azərbaycana səfər proqramını açıqlayıb. ANS PRESS-in "RİA Novosti"yə istinadla verdiyi məlumata görə, bu barədə Vatikanın mətbuat xidməti açıqlama yayıb.
Roma Papasının iki ölkəyə səfəri sentyabrın 30-da başlayacaq. O, ilk olaraq Gürcüstana gedəcək. Oktyabrın 2-də isə Azərbaycana gələcək.
Bakı səfəri zamanı Papanın Azərbaycan prezidenti İlham Əliyev və Qafqaz Müsəlmanları İdarəsinin (QMİ) rəhbəri Allahşükür Paşazadə,rus provaslav kilsəsinin və yəhudi icmasının rəhbərliliyi ilə görüşəcək. Həmin gün axşam Papa Bakını tərk edəcək. O, həmçinin Bakıda kilsədə keçiriləcək ayində də iştirak edəcək.


İlham Əliyev və Roma Papası Fransisk

Regiona səfər Azərbaycan və Gürcüstanın dini qurumlarının dəvəti ilə reallaşacaq.
Bu, Roma Papasının Azərbaycana ikinci səfəri olacaq. 2002-ci ildə Roma Papası II İohann Pavelin Azərbaycana tarixi səfəri baş tutub. 2002-ci il mayın 22-də Vatikan dövlətinin başçısı, 264-cü Roma papası II İohann Pavel ilk dəfə olaraq Azərbaycana rəsmi səfərə gələrək ulu öndər Heydər Əliyevlə görüşüb.
Papa iyun ayının 24-də Ermənistana səfər edib. Ermənistanda səfərdə olan Roma papası Fransisk və erməni katalikos II Qaregin Eçmiadzində imzaladıqları birgə bəyanatda Dağlıq Qarabağ məsələsinə də toxunublar. Tehsil-press.az-ın məlumatına görə, hər iki dini iсma lideri münaqişənin sülh yolu ilə həll ediləсəyinə ümid etdiklərini bildiriblər.
"Təəssüf ki, biz dində radikal hadisələrin və nifrəti, diskriminasiyasını, zorakılığı yaymağa bəraət qazandırmaq üçün dini dəyərlərdən istifadənin şahidi oluruq. Bu сür сinayətlərə dini ideologiya ilə bəraət qazandırılması yolverilməzdir".

Tehsil-press.az