“Şou Məkan” verilişinin növbəti qonağı müğənni Könül Kərimova olub.

Tehsil-press.az xəbər verir ki, müğənni qızının xeyir işi olduğunu deyib, kürəkənini də özü seçdiyini bildirib:
“Bizdə adət-ənənə o cür deyil ki, övlad istəyən olmalıdır. Əlbəttə ki, valideynin də razılığı mütləqdir. Bizdə 50/50-yədir. Qəribədir ki, ilk mənim seçimim, istəyim olub. Ancaq qızımız razılaşmırdı. Sonra zaman keçdi, qızımız razılığa gəldi.
Nə oğlanı, nə də qızı yaxınlaşdıra bilmirdik. Təsadüfən qohumlardan birinin məclisində üz-üzə gəldilər. Biz qaldıq qıraqda. Eşitdik ki, bir-birini bəyəniblər. Bizə də xoş oldu. Bayaqdan biz də elə bunu istəyirdik də”.
Könül Kərimova söyləyib ki, qızı özbaşına buraxmağın tərəfdarı deyil:
“Biz də belə ailə qurmuşuq. Valideynlərim mənim öz istəyimə buraxmayıblar. Düzdür, mənim də istəyim olub. Ancaq əvvəlcə onların fikri gəlib. Qızı özbaşına qoysan, yal halvaçıya gedər, ya zurnaçıya. Oğlum demişkən, 50/50-yə. Qızımızı yola salaq, sonra gəlnimizi gətirək”.



Tehsil-press.az