Aprel ayının sonundan Yəməndə vəba epidemiyasından 1146 nəfər həlak olub.
Təhsil-press.az-ın məlumatına görə, bu barədə Ümumdünya Səhiyyə Təşkilatının (ÜST) rəsmi "Twitter" hesabında yazılıb.
Məlumatda deyilir ki: "2017-ci il 27 aprel tarixindən Yəməndə 166 976 nəfərdə vəba epidemiyası qeydə alınıb və 1146 nəfər bu epidemiyadan dünyasını dəyişib".
Yəməndə vəba epidemiyası təhlükəsi barədə ilk dəfə 2016-cı ilin oktyabrında ölkənin səhiyyə orqanları tərəfindən elan olunub. ÜST-ün məlumatına əsasən, yoluxma riskinin yüksək olduğu bölgələrdə ümumilikdə 7,6 milyon insan yaşayır.

Təhsil-press.az