Türkiyə Televiziya Şurası (RTÜK) məşhur “Ufak Tefek Cinayetler” serialını cərimələyib. “Qafqazinfo” xəbər verir ki, bu barədə sosial şəbəkələrdə məlumat verilib.
Bildirilir ki, vətəndaşların şikayətindən sonra RTÜK onlara pul cəzası verib:
“Dəyərli izləyicilərimiz. Təəssüf ki, ailə dəyərlərinə uyğun olmadığını düşünən vətəndaşlar serialımızı şikayət ediblər. Onlar layihənin qəhrəmanları olan Oya və Serhanın münasibətini “Yasaq sevgi” olaraq qiymətləndiriblər. Bununla bağlı RTÜK-ə xeyli sayda şikayətlər daxil olur. Bu şikayətlər çox olarsa, serial yayından qaldırıla bilər”.
Qeyd edək ki, sözügedən serial reytinq siyahısında ilk üçlükdədir. Ekran işi 4 rəfiqənin həyatından bəhs edir.

Tehsil-press.az