Məlum olduğu kimi, bu gecədən etibarən Azərbaycanda aprelin 11-nə təyin edilən prezident seçkiləri ilə əlaqədar namizədlərin seçkiqabağı təşviqat kampaniyası başlayıb.
Məlum olub ki, prezidentliyə namizəd, eyni zamanda hazırki dövlət başçısı İlham Əliyevin fotolarından başqa tablolara foto vurulmayıb. Beləliklə, digər prezidentliyə namizədlər hələ ki, təşviqat kampaniyasına qoşulmayıblar.
Bildirək ki, MSK bugünə qədər prezidentliyə səkkiz nəfərin namizədliyini təsdiq edib – hazırki prezident İlham Əliyev, Demokrat Partiyasının sədri Sərdar Cəlaloğlu, deputat Zahid Oruc, Bütöv Azərbaycan Xalq Cəbhəsi Partiyasının sədri Qüdrət Həsənquliyev, Sosial-Demokrat Partiyasının sədri Araz Əlizadə, Milli Dirçəliş Hərəkatı Partiyasının sədri Fərəc Quliyev, Müasir Müsavat Partiyasının sədri Hafız Hacıyev və namizədliyi AXC Təşəbbüs Qrupu tərəfindən irəli sürülən Razi Nurullayev.
Qeyd edək ki, təşviqat səsvermənin başlanmasına 24 saat qalmış - aprelin 10-da dayandırılacaq. Bu müddət ərzində namizədlər pulsuz efir vaxtından, habelə qanunda nəzərdə tutulmuş digər vasitələrdən istifadə edə bilərlər. Səsvermə günü - aprelin 11-də seçki məntəqəsi otaqlarının daxilində və xaricində yerləşdirilmiş seçkiqabağı təşviqat materialları yığışdırılacaq.

Tehsil-press.az