Qazaxıstanın sabiq prezidenti Nursultan Nazarbayev istefasından bir neçə saat əvvəl qərarını rusiyalı həmkarı Vladimir Putinə bildirib.
Bunu Putinin mətbuat katibi Dmitri Peskov müsahibələrindən birində deyib. Onun sözlərinə görə, Nazarbayev bu barədə Rusiya prezidenti ilə telefon vasitəsilə danışıb: “Nursultan Abişeviç özü zəng etmişdi. Onlar ehtiyac olduğu vaxt bir-birinə zəng edirlər. Bu, son illər həmişə belə olub. O,( red: Nazarbayev) istefasını bəyan etməzdən bir neçə saat əvvəl zəng etmişdi”.
Mətbuat katibi onu da qeyd edib ki, Qazaxıstan Rusiyanın çox mühüm tərəfdaşıdır və ona görə də ola bilsin, qısa zamanda yeni rəhbərliklə danışıqlar üçün bir araya gəlinəcək.
Qeyd edək ki, N. Nazarbayev martın 19-da istefa verib. Parlamentin spikeri Kasım-Jomart Tokayev ölkənin yeni prezidenti seçilib.

Tehsil-press.az