Milli birlik və vətənpərvərliyin rəmzinə çevrilmiş 20 Yanvar xalqımızın öz ölkəsinin suverenliyi uğrunda apardığı mübarizənin şərəfli tarixidir. Hər il faciənin ildönümündə milyonlarla insan Şəhidlər xiyabanını ziyarət edir, şəhid düşmüş soydaşlarımızın əziz xatirəsini böyük ehtiramla anır.
20 Yanvar faciəsinin otuzuncu ildönümü ilə əlaqədar Bakı Slavyan Universitetində təhsil alan əcnəbi tələbələr də Şəhidlər xiyabanını ziyarət ediblər. Əcnəbi tələbələr Azərbaycanın müstəqilliyi və ərazi bütövlüyü uğrunda canından keçmiş şəhidlərimizin məzarları önünə tər qərənfillər düzərək, onların əziz xatirələrinə ehtiramlarını ifadə ediblər.

Tehsil-pess.az