Misirin Dexaliyə şəhərində miladdan əvvələ aid 110 məzar aşkarlanıb.
Bu barədə ölkənin Turizm və Qədim Əsərlər Nazirliyi məlumat yayıb.
Bildirilib ki, şəhər yaxınlığındakı Koum əl-Xulqan arxeoloji qazıntı sahəsində aparılan araşdırmalarda 110 məzar tapılıb.
Oval şəklində olan məzarlardan 73-nün eradan əvvəl 6000-3000-ci illərdən, dördbucaqlı şəklində olan 37 məzarın isə e.ə. 1782-1570-ci illərdən qalma olduğu açıqlanıb.
Qeyd olunub ki, məzarlarda insan qalıqları ilə yanaşı, qab-qacaqlara da rast gəlinib.

Tehsil-press.az