Rəsmi məlumat yoxdur, amma hesab edirəm ki, faktiki olaraq Azərbaycanda Hindistan (delta) ştammı var. Virus gözəgörünməzdir, gömrükdən keçmək kimi xüsusiyyətləri var.
Bu sözləri tibb professoru Ədalət Rüstəm deyib. Onun sözlərinə görə, delta ştammı daha təhlükəlidir:
"Yoluxuculuq qabiliyyəti ən azı 2 dəfə yüksəkdir. Delta ştammının uşaqlara yoluxması ilə bağlı elmi araşdırmalar hələ ki, yoxdur. Yeni ştammdır, nəticələr məlum deyil. Vaxtsız olduğu üçün tədqiqatlar aparılmayıb".
Vaksinin delta ştammı üçün effektli olacağını bildirdirən professor üçüncü doza ilə bağlı danışmağın tez olduğunu deyib:
"Hələ birinci doza vaksinasiya bitməyib. Birincisini bitirə bilmədiyimiz halda üçüncü doza haqqında fikirləşmək düzgün deyil. Əhalinin cəmi 15 faizi peyvənd olunub. Kimlərdə ki immunitet zəifdir, 6 ay, bir il sonra müayinə olunduqda üçüncü doza vaksin vurula bilər. Onların immuqlobin göstəricisi nəzarət altında olmalıdır".
Ədalət Rüstəm "Sərt karantin rejimi ilə bağlı gözləntiniz varmı" sualına belə cavab verib:
"Situasiyanın gedişindən asılıdır. Karantin rejimi qalıb, ləğv olunmayıb. Yoluxma halları artarsa, yenidən sərtləşmələr ola bilər".

Tehsil-press.az