İtaliyada Baş nazir Mario Draqhinin liderliyindəki koalisiya hökuməti ölkədə koronavirusa qarşı fövqəladə hal vəziyyətini 31 dekabr 2021-ci ilə qədər uzadıb.
“Delta” ştammının səbəb olduğu yoluxma sayındakı artımdan sonra hölumət vaksin sertifikatı olaraq bilinən “Yaşıl keçid” (“Green pass”) sənədinin çərçivələrini müəyyənləşdirib və pandemiyaya qarşı yeni tədbirlər barədə qərar qəbul edib.
“İtaliya iqtisadiyyatının vəziyyəti yaxşıdır, özünü bərpa edir və İtaliya digər Avropa ölkələri ilə müqayisədə daha sürətlə böyüyür. Ancaq “Delta” ştammı ciddi təhdiddir. “Yaşıl keçid” kefdən qəbul olunmuş tətbiq deyil, iqtisadi fəaliyyətlərin açıq qalması üşün bir şərtdir. Rahatlıq verən bir tədbirdir”, - baş nazir bildirib.
O qeyd edib ki, ölkə əhalisinin yarısına hər iki doz vaksin vurulub.

Tehsil-press.az