Fransa Prezidenti Emmanuel Makron və Ukrayna Prezidenti Volodimir Zelenski telefonla danışıb.
Açıqlamaya görə, Makron və Zelenski Zaporojya Atom Elektrik Stansiyasında və Ukraynadakı son vəziyyəti müzakirə ediblər.
Danışıq zamanı Makron, xüsusilə hava hücumundan müdafiə ilə bağlı Ukraynaya hərbi dəstəyi mümkün qədər tez artırmaq üçün səfərbər olduqlarını təkrarən bildirib.
İki lider Rusiyanın Ukrayna taxılının dəniz dəhlizi ilə ixracına dair sazişi dayandırmasını da müzakirə edib. Makron Rusiyanın bu qərarından təəssüfləndiyini vurğulayıb.
Həmçinin Fransa və Ukrayna dekabrın 12-də ikitərəfli konfrans keçirmək qərarına gəliblər. Dekabrın 13-də Parisdə Ukraynanın vətəndaş müqavimətini dəstəkləmək üçün beynəlxalq konfrans keçiriləcək.

Tehsil-press.az