NASA-nın məlumatına görə, Günəşin səthində baş verən partlayışlar kosmik gəmilər və astronavtlar, həmçinin radiotezliklər, elektrik şəbəkələri və naviqasiya siqnalları üçün təhlükə yaradan güclü enerji dalğaları yaradır.
Günəş alovu Günəşin qaz sferasında (atmosferində) baş verən şiddətli partlayışlara addır. Bu partlayışların gücü milyardlarla meqatondur və ümumiyyətlə 1.000.000 km/saat sürətlə hərəkət edir.
Günəş alovları Günəş atmosferinin bütün təbəqələrinə (fotosfer, tac və xromosfer) təsir edərək, plazmanı on milyonlarla kelvinə qədər artırır və elektronları, protonları və daha ağır ionları demək olar ki, işıq sürəti ilə kosmosa tullayır. Onlar həmçinin bütün elektromaqnit spektrini əhatə edən radiasiya istehsal edirlər.
Ən çox günəş partlayışları intensiv maqnit sahələrinin fotosferə daxil olduğu günəş ləkələri kimi aktiv bölgələrdə baş verir.
Günəş jetləri maqnit birləşmələri sayəsində əmələ gəlir. İlk hadisə 1859-cu ildə müşahidə edilib və Karrinqton hadisəsi adlanır.
Bəzi alimlərin etdiyi xəbərdarlıqlara görə, günəş fırtınaları 2024-cü ilin əvvəlində Yerə təsir göstərə bilər. Sözügedən vəziyyətlə bağlı NASA kimi səlahiyyətli qurumdan hələ dəqiq bir tarix və ya açıqlama yoxdur…

Tehsil-press.az