ABŞ tezliklə İraqdan qoşunlarının çıxarılması ilə bağlı danışıqlara başlayacaq.
Vaşinqton və Bağdad “Ali Hərbi Komissiya çərçivəsində dialoqa başlamaq üçün razılaşmaya yaxındır” və bu dialoq zamanı onlar gələcək addımları müəyyən edəcəklər.
Vaşinqton qoşunların çıxarılması qrafikini İraqdakı mövcud vəziyyəti nəzərə almaqla istəyir. Öz növbəsində İraq rəhbərliyi hesab edir ki, qoşunların çıxarılması tarixləri heç bir vəziyyətdən asılı olmamalıdır.
Qeyd edək ki, yanvarın 5-də İraqın Baş naziri Məhəmməd Şiə əl-Sudani beynəlxalq koalisiya qüvvələrinin mövcudluğu ilə bağlı əsaslandırmaların sona çatdığını və ölkədə xarici hərbçilərin mövcudluğuna son qoymaq üçün konkret addımlar atmaq niyyətində olduğunu bildirib.

Tehsil-press.az