Ümummilli Lider 1993-cü ildə hakimiyyətə qayıtdıqdan sonra dünyada qəbul edilmiş demokratik siyası sistemə uyğun milli dövlət quruculuğu istiqamətində islahatlar həyata keçiniməyə başladı. Ulu Öndər Heydər Əliyevin əsasını qoyduğu bu yenidənqurma işləri sonrakı illərdə də uğurla davam etdirildi.
Dərin və çoxşaxəli islahatlar Cənubi Qafqaz regionunun hərtərəfli inkişafının qarşısında böyük əngələ çevrilmiş Qarabağ probleminin həll olunmasına gətirib çıxarmaqla yanaşı, həm də Azərbaycanın dünya birliyində mövqeyinin daha da möhkəmlənməsində mühüm rol oynadı. Fevralın7-də keçiriləcək növbədənkənar prezident seçkiləri də ölkəmizin beynəlxalq aləmdəki artan nüfuzunu daha da gücləndirəcək.
Bu günə qədər Azərbaycanda keçirilən seçkilər bütün ölkəni əhatə etməmışdı. 1988-ci ilin sonlarından erməni separatçılarının Qarabağa başlayan hücumundan sonrakı zamanlarda torpaqlanmızın 20 faizinin işğal olunması ilə nəticələndi. Güclü qüdrətli Azərbaycan Ordusu 2020-ci ildə 30 ilə yaxın davam edən işğala son qoydu. Xalqımız Zəfər qazandı.
Çünki müstəqil Azərbaycan tarixində ilk dəfə olaraq president seçkiləri artıq ölkəmizin bütün ərazilərində, o cümlədən azad edilmiş Xankəndində, Şuşada, Laçında, Xocalıda, Kəlbəcərdə, Cəbrayılda, Zəngilanda, Füzulidə və digər rayonlarda seçicilər öz seçimini edəcəklər. Bu Azərbaycan xalqının son illərdə əldə etdiyi ən böyük tarixi naliyyətdir.
Ona görə də 7 fevral 2024-cü ildə keçiriləcək növbədənkənar prezident seçkiləri Zəfər seçkisi də adlandırmaq olar.
Fevralın 7-də Azərbaycan xalqı, seçki huququ olan hər bir vətəndaş öz sözünü deyəcək. Hər kəs gələcək perspektivlər naminə öz səsini verəcək. Dünyada seçib, seçilmək kimi çox mühüm bir məfhum var Hər bir Azərbaycan vətəndaşı fəxarətlə öz səsini verməli, eynı zamanda öz fikrinı bildirməlidir.
Bu gün Avropada, Qərbin digər dövlətlərində Azərbaycana həddən artıq marağın olduğunu hər kəs bilir. "Seçkilərdə yaxın qonşularımızdan tutmuş, dünyanın hər yerindən olan nümayəndələr və beynəlxalq strukturları təmsil edən müşahidəçilər yer alacaqlar. Bu baxımdan da 2024-cü il seçkiləri mühüm əhəmiyyət kəsb edir. Belə desək, qalib dövlətin seçkiləri də, qalib xalqa layiq seçim edəcəklər.

İsmayıl Rövşənov
Sabunçu rayon prokurorunun böyük köməkçisi
kiçik Ədliyyə müşaviri